Что потом?
ЭКМО қолдауымен терапия кезеңін аяқтағаннан кейін емделуші жан сақтау немесе қарқынды емдеу бөлімшесінде бақылауда болады. Жан сақтау палатасының аясында ағзалар мен жүйелердің функциялары, бастапқы дене белсенділігі қалпына келген соң, мамандандырылған бөлімшенің немесе науқас жеткізілген орталықтың/аурухананың кәдімгі палатасына ауыстырылуы мүмкін.Бастапқы кезде мамандандырылған бөлімшеде емделушіге де, оның туыстарына да аса қиындау болуы мүмкін. Ұзақ оңалту (күту) кезеңімен байланысты алаңдаушылық сезімі туындайды. Біздің Орталыққа келген науқастың барлық емделу кезеңінде оған түрлі саладағы: кардиология, кардиохирургия, қарқынды терапия, физиотерапия және қалпына келтіру емі, психология, оңалту мамандары қатысады. Осы бірлескен команда бөлімшеде де емделушіге күтім жасауды жалғастырады. Осы кезеңде емделуші өзіне өзі сауығу үшін барынша мүмкіндік жасайтынын түсінген жөн. Бұл медицина қызметкерлерінің аз болуымен (егер жан сақтау бөлімінде бір емделушіге бір медбике күтім жасаса, онда мамандандырылған бөлімшеде барлық бөлімше үшін постыдағы медбикелер жауапты болады) және денені физикалық қалпына келтіру қажеттілігімен байланысты. Соңғысы негізгі ағза қажеттіліктерін: өздігінен тамақтану, тазалық рәсімдерін ұстану, серуендеуді қалпына келтіруді білдіреді.
Осы кезеңге дайындық емделушімен, оның туыстарымен және жақындарымен отаға дейін әңгімелесуден басталады. Біз туыстарына науқастар ЭКМО қолдауы кезеңінде жан сақтау бөлімшесінде болса да, оларға келіп тұру, дәрігерлермен және медбикелермен әңгімелесуге шақырамыз. Бұл дертті , оның емдеу барысын және күтім жасау жолдарының мәнін ұғынуға мүмкіндік береді.
Біз үшін үйге шығарылған емделушілердің тағдырын білу маңызды болып табыла-ды. Сондықтан біздің Орталықта немесе тұрғылықты жерде орындалған жүрек-қан тамыр жүйесін жоспарлы түрде тексеріс мәліметтерін іштей кеңес алу үшін бірге алып келуге болады немесе кітапшаның соңғы жағында көрсетілген біздің байланыс мекен-жайымызға жіберуге болады.