Title

ЭКМО мектебі туралы

«Ұлттық ғылыми кардиохирургия орталығы» АҚ-да өткізілетін ЭКМО мектебі ауыр жүрек және/немесе тыныс жеткіліксіздігі бар емделушілерге ЭКМО қолдауын көрсетуге ұмтылатын дәрігерлер мен мейірбике ісі мамандары үшін құрылған.

ЭКМО мектебінің мақсаты емделушілердің осындай ауыр санатын емдеудегі тәжірибесі аз әріптестеріне қолдау көрсету болып табылады. Мектептің теориялық бөлігінде біз ЭКМО қолдауындағы және қолдауға мұқтаж емделушілерді басқарудағы барлық аспектілерді анықтауға тырысамыз. Ал тәжірибелік бөлігінде келесі дағдылар анықталып, істеліп өтеледі:

·         ірі тамырлардың тері асты канюляциясы (пульстік режимде сұйықтық айналатын арнайы манекенде қадамдап), Сельдингер әдісімен және ашық әдіспен; ЭКМО-ға қосылудың түрлі нұсқаларына сәйкес канюля таңдау; канюляция кезіндегі қауіпсіздік;

·         ЭКМО аппараты және контурымен жұмыс (айта кететіні, Сіздің клиникада орналасқан аппаратпен): контур құрастыру, жүйені толтыру, аппаратқа және науқасқа қосылу, дабылдар, шарттар және лимиттерді орнату; дабыл және төтенше жағдайларды басқару;

·         реанимация бөлімшесінде емделушілерді күту.

Мектеп қатысушылары ЭКМО-ны одан әрі тәжірибеде қолдану үшін қажетті хаттамалар, бақылау карталарының (ҰҒКО-да қабылданған) мысалдары және басқа да қажетті ақпаратпен қамтамасыз етіледі. Дәріс материалдары берілмейді (ҰҒКО сайтында ЭКМО парақшасында қол жетімді http://heartcenter.kz/ru/ekmo/for-doctors/nashi-lektsii/)

ЭКМО мектебінде оқытуға өтінімдерді беруге ҰҒКО білім бөліміне хабарласу керек: http://heartcenter.kz/ru/sci-edu/obrazovanie/

Ержанова Роза Алдашқызы, бөлім бастығы, +7 (7172) 70-30-73, rozaerzhanova@mail.ru

Cоветхан Айзат, маман, +7 (7172) 70-31-32, nnkc.astana@mail.ru

ЭКМО бойынша көмек көрсету - мультитәртіпті команданың міндеті. Осыған байланысты, мектепте оқу үшін дәрігер-реаниматолог (немесе анестезиолог-реаниматолог), кардиохирург немесе ангиохирург (сәйкес мекемелер үшін), перфузиолог және мейірбике ісі маманынан тұратын Сіздің клиникаңыздың ЭКМО командасын анықтау аса маңызды болып табылады. Ең дұрысы, команданың пульмонолог және эфферентті терапия дәрігерлерін қамтуы; балалар тәжірибесіндегі команда үшін команда құрамына педиатр дәрігері кіруі тиіс.

ЭКМО командасының барлық мүшелері үшін оқыту циклінің соңында біліктілікті арттыру туралы куәлік беріледі.

ЭКМО мектебін халықаралық ЭКМО дипломы бар, келесі жетекші халықаралық ауруханаларда оқудан және тағылымдамадан өткен ҰҒКО мамандары өткізеді:

·      Pitié-Salpêtrière Hospital (Groupe hospitalier Pitié-Salpêtrière) Paris, France

·      Penn State Milton S. Hershey Medical Center, Hershey, USA

·      University of Pittsburgh Medical Center, Pittsburgh, USA

Лесбеков Тимур Достайұлы

кардиохирург дәрігері, м.ғ.к., №1 кардиохирургия бөлімшесінің меңгерушісі

Қапышев Тимур Сайранұлы

анестезиолог-реаниматолог дәрігері, жоғары санатты дәрігер, анестезиология, реанимация және қарқынды бөлімшесінің (ересектер) меңгерушісі

Қалиев Рымбай Болатұлы

перфузиолог дәрігері, қосалқы қанайналым зертханасы бар операциялық бөлімшесінің меңгерушісі

Ибраев Талғат Ерғалиұлы

анестезиолог-реаниматолог дәрігері, жоғары санатты дәрігер, анестезиология, реанимация және қарқынды терапия бөлімшесінің (балалар) меңгерушісі

Качеганов Фатих Байдарханұлы

анестезиолог-реаниматолог, эфферентолог дәрігері, жоғары санатты дәрігер, экстракорпоральдық гемотүзету зертханасы

Фаизов Линар Ринатұлы

қосалқы қанайналым зертханасы бар операциялық бөлімшесінің перфузиолог дәрігері

Михайлов Оралхан

анестезиология, реанимация және қарқынды терапия бөлімшесінің (ересектер) мейіриесі