«ҰҒКО» АҚ Білім бөлімі 2011 жылдың қазан айынан бастап жұмыс істейді және ҚР Денсаулық сақтау жүйесі үшін қазіргі заманғы жоғары мамандандырылған кадрларды дайындауды жүзеге асырады. Білім беру бөлімінде жаңа медициналық технологияларды дамытудың жылдам қарқынына және ғылыми жетістіктерге сәйкес оларды жаңартуға бағытталған оқу-әдістемелік құжаттамамен тұрақты жұмыс жүргізілуде. Оқыту практикалық сабақтарда және өндірістік практика кезінде кәсіби дағдыларды меңгеруге бағытталған. Алыс және жақын шетелдерден жетекші мамандарды тарту арқылы шеберлік-кластар өткізіледі.

Практикалық дағдыларды игеру сапасы оқытудың барлық кезеңдерінде жүйелі түрде бақыланады, курстар аяқталғаннан кейін мемлекеттік үлгідегі сертификаттар беріледі

Негізгі функциялары:

- Халықаралық ынтымақтастық бойынша, оның ішінде 059 бюджеттік «Әлеуетті арттыру және ауруларды диагностикалау мен емдеудің жоғары технологиялық әдістерін енгізу» бағдарламасы бойынша іс-шаралар өткізуді ұйымдастыру,

-Қоғамның, ҚР өңірлерінен мемлекеттік және мемлекеттік емес денсаулық сақтау ұйымдары мамандарының (бюджеттік және келісім шарт негізінде), жеке тұлғалардың қоғам базасында өткізілетін білім беру іс-шараларын (біліктілігін арттыру, жұмыс орнында тағылымдамадан өту және қайта даярлау циклдары, семинарлар,шеберлік-кластар және т. б.) ұйымдастыру және өткізу;

-Жоғары оқу орнынан кейінгі білім беруді ұйымдастыру және бақылау (резидентура);

-Озық білім орталығы шеңберінде іс-шараларды ұйымдастыру;

-Ақпараттық-ресурстық орталықтың жұмысын ұйымдастыру.