Конгресс жайлы

Астана қаласында Кардиохирургтардың ІІІ Ұлттық конгресін (бұдан әрі-Конгресс) жыл сайын өткізу «Ұлттық ғылыми кардиохирургия орталығы» АҚ-ның (бұдан әрі-«ҰҒКО» АҚ) даму тарихында жақсы дәстүрге айналуда.

Конгресс Чикаго университетімен (АҚШ) және Бүкіләлемдік кардиоторакалды хирургтар қоғамымен тығыз ынтымақтастықта, Назарбаев Университеті және Қазақстан Республикасының Денсаулық сақтау министлігінің қолдауымен өткізіледі.

Конгресс кардиохирургия қызметінің барлық өкілдері, түрлі мемелекеттен келген ғылыми қызметкерлер мен дәрігерлердің тәжірибе, пікір және білім алмасуы, сондай-ақ алдағы жылдарға қойылатын негізгі міндеттерді талқылау мен жүзеге асыру үшін халықаралық алаң іспеттес.

Конгрестің өткізілуі кардиохирургиядағы заманауи технологияларды қолданудың келешегі бар, белсенді дамып жатқан және сәтті бағыттарын, сонымен қатар маңызды ғылыми зерттеулерді анықтауға мүмкіндік береді.

Созылмалы жүрек жетіспеушілігін, балалар мен ересектердегі туа біткен жүрек ақауының дамуын емдеу, гибридті технологиялар мен заманауи кардиохирургияның басқа да маңызды сұрақтарына айрықша көңіл бөлінеді.

Конгрестің концептуалды моделі төмендегі негізгі бағыттарды талқылау үшін алаң қалыптастырады:

1. Созылмалы жүрек жетіспеушілігінің хирургиялық емделуі;

2. Туа біткен және жүре болған жүрек ақаулары хирургиясы;

3. Жүрек-қантамыр ауруларын емдеудің гибридті технологиялары;

4. Жүрек трансплантациясы және трансплантациялық координация;

5. Жүректің ишемиялық ауруының хирургиясы;

6. Туа біткен және жүре болған жүрек ақаулары және жүректің ишемиялық ауруын емдеудегі интервенциялық кардиология;

7. Кардиохирургиядағы анестезиология және қарқынды терапия;

8. Жүрек ырғағы бұзылуын хирургиялық жолмен емдеу;

9. Балалар кардиохирургиясының маңызды мәселелері;

10. Заманауи кардиология және реабилитация;

11. Кардиохирургиядағы диагностикалық радиология;

12. Кардиохирургиядағы мейірбике ісі.