• Каз
  • Рус
  • Eng
29.09.2016

Қазақстандық дәрігерлер өкпені ауыстырып салу отасын сәтті жасады



Астана, Қазақстан, 28 қыркүйек 2016 жыл

23 қыркүйектен 24 қыркүйекке қараған түні «Ұлттық Ғылыми кардиохирургиялық орталық» АҚ дәрігерлерінің тобы алғашқы өкпені ауыстырып салу отасын жасады, ота 10 сағаттан астам уақытқа созылды.

Өкпені ауыстырып салу бойынша жасалған аталмыш ота отандық медицинадағы хирургиялық ота жасаудың ең жарқын мысалы болып табылады. Бұл дем алу мүшелерінің ауруына шалдыққан қазақстандықтар үшін өкпені ауыстырып салу бойынша ағымдағы оталар жасауға мүмкіндік береді деп күтілуде.  

Өкпені ауыстырып салу отасы өкпенің буллезды эмфиземасымен ауырған 67 жасар науқасқа жасалды. (ХОБЛ). Соңғы сегіз жыл бойы науқас үй жағдайында оттегімен жасанды қолдау көрсету жағдайында болған. Ең минималды физикалық қозғалыстардың өзі науқастың демікпеге шалдығуына әкелетін. Өкпені ауыстырып салу отасы науқастың өмір сүруге деген соңғы үміті болатын. Қазір науқастың демалысы тұрақтандырылды, оның жағдайы қалыпты деп бағаланып отыр.

Отаны жүргізу отандық дәрігерлердің жоғары кәсібилігімен, сол секілді ҚР санитарлық авиациясының жедел және ұйымдасқан жұмысының арқасында мүмкін болды. Сол секілді Павлодар қаласының №1 қалалық ауруханасының координаторларының тобы да тиімді жұмыс нәтижесін көрсете білді.   

«Ұлттық ғылыми кардиохирургиялық орталық» АҚ басқармасының төрағасы Юрий Пя: «Ауыстырып салу отасын өткізу қоғамның өзінің қатысуынсыз және оның этикалық түсінігінсіз мүмкін емес. Донорлыққа саналы түрде келісім беру, адамдардың науқастың өмірін сақтап қалу үшін жанкештілікке баруы адамгершіліктің керемет мысалы бола алады. Жақынының өкпесін өзге адамға салуға келісім берген отбасы мүшелерінің әрекетін құрметтемей болмайды – дейді. »

Қазақстанда жасалған алғашқы өкпені ауыстырып салу отасы – бұл дәрігерлердің үлкен даярлық жұмысының нәтижесі болып табылады: сәтті өткізілген ота үшін дәрігерлер тобын, кардиооташыларды, анестезиолог-реаниматологтарды, медбикелерді, трансплантация координаторларын шын жүректен құттықтаймыз және еңбектеріне жеміс тілейміз.           

Анықтама үшін:

Өкпе  – инфекцияларға жылдам шалдығатын аса сезімтал дене мүшесі болып табылады. Мәселен, 88% жағдайда бүйрек ауыстырып салу отасына сәйкес келеді деп саналса, жүрек 33% жағдайда сәйкес келеді, ал өкпе 18-20% жағдайда ғана ауыстырып салу үшін пайдаланылады. Сондықтан трансплантология ғылымында өкпені ауыстырып салу отасы аса күрделі деп саналады. Оның  себебі ретінде көп ретте науқастардың консервативті емдеуге жатпайтын дем алу органдарының созылмалы ауруларының терминалды кезеңдері саналады. Қазақстан Республикасында мұндай науқастар аса көп. Әлемдік ақпаратқа жүгінсек, 1 млн тұрғынға шаққанда 10 адамға өкпені ауыстырып салу отасын жүргізу қажет.                                                                                                        


Тiзiмге қайтару