• Каз
  • Рус
  • Eng
30.06.2014

АСТАНА ҚАЛАСЫНДА ТМД ЕЛДЕРІНІҢ АРАСЫНДА АЛҒАШ РЕТ «ҰЛТТЫҚ ҒЫЛЫМИ КАРДИОХИРУРГИЯ ОРТАЛЫҒЫ» АҚ НЕГІЗІНДЕ ЕКІ АПТАЛЫҚ «ESOR ASTANA TUTORIAL 2014» ЕУРОПАЛЫҚ РАДИОЛОГТАР МЕКТЕБІ ӨТКІЗІЛДІ.

2014 жылғы 9 және 20 маусым аралығында Астана қаласында ТМД елдерінің арасында алғаш рет «СИМЕНС» компаниясы қолдауымен «Ұлттық ғылыми кардиохирургия орталығы» АҚ негізінде (Басқарма төрағасы – Ю.В. Пя) «ESOR AstanaTutorial 2014» Еуропалық радиологтар мектебі өткізілді. Еуропалық радиологтар мектебінің мақсаты Орталық және Орта Азияның (Қазақстан, Қырғызстан, Тәжікстан, Түркіменстан және Өзбекстан) жас радиолог мамандарын радиологиялық диагностиканың халықаралық стандарттары бойынша оқыту болып табылады.

Қазіргі таңда диагностикалық процестерде радиологиялық әдістердің маңызды рөл атқаратындығы даусыз. Соңғы 10 жылда ғылыми-техникалық прогресстің алға ілгерілеуінің арқасында компьютерлік және магнитті-резонанстық томография, ультрадыбыстық зерттеулер және емдік интервенциялық араласулар сияқты жаңа технологиялар пайда болып, диагностикалық мақсаттарда қолданылуда. Алайда Орталық және Орта Азия елдеріндегі емдік-диагностикалық қызметтерднің көптеген аспектілері қайта қарауды, тұрғылықты қайта құру мен ұйымдастыруды қажет етеді.



Екі апта ішінде «ESOR Astana Tutorial 2014» Еуропалық радиологтар мектебінің қатысушылары: Қазақстаннан 6, Өзбекстаннан 3, Қырғыстаннан және Түркменстаннан 2-ден, Ресей және Тәжікстаннан 1 қатысушы Еуропа, Рессей және Қазақстан сияқты елдердің ірі мамандарының, атап айтқанда, профессор Nicholas Gourtsoyiannis (Грекия) – Еуропалық радиологтар мектебінің директоры, профессор Paul M. Parizel (Бельгия) – Еуропалық радиологтар қауымдастығының Вице-президенті, профессор Malgorzata Szczerbo-Trojanowska (Польша), профессор Mathias Prokop (Голландия),профессор В.Е. Синицин (Мәскеу) – ECR 2014 радиологтардың Еуропалық конгресінің Президенті, профессор И.Е. Тюрин– Рессей Федерациясы Денсаулық сақтау министрлігінің бас радиологы, профессор, Н.Л. Шимановский атындағы РАМН корр.-мүшесі (Мәскеу), профессор Т.Н. Трофимова (Санкт-Петербург),профессор Р.И Рахимжанова. – Қазақстан Республикасы Денсаулық сақтау министрлігінің бас радиологы және т.б. дәрігерлердің дәрістерінтыңдады.


Ғылыми-техникалық үрдісі барынша жоғары деңгейдегі елдерден келген мамандармен тәжірибе алмасу және ESOR Astana Tutorial 2015 Еуропалық радиологтар мектебі Орталық және Орта Азия елдерінің медициналық қызметінің дамуына үлкен үлес қосып, радиологиялық емдеу-диагностикалық қызметті дамытуға ықпал етуінде күмән жоқ. Оқытудың соңында ESOR Astana Tutorial 2014 қатысушыларына Еуропалық радиологтар мектебінің Сертификаттары табыс етілді.

Тiзiмге қайтару