1 қыркүйектен бастап Юрий Пя "University Medical Center" корпоративтік қорының Басқарма Төрағасы болып тағайындалды.

03.09.2020
Бекбосынова Махаббат Сансызбайқызы, сондай-ақ Басқарма төрағасының бірінші орынбасары ҰҒКО Басқарма төрағасының міндетін атқарушы болып бекітілді, атап өткен жөн, ол осы ұжымда оның негізі қаланғаннан бері жұмыс істеуде. Сондықтан, біз ҰҒКО келешегі сенімді қолда деп айта аламыз!
Юрий Владимирович жаңа лауазыммен қатар ҰҒКО-да хирургия және ғылым жөніндегі директор қызметін жалғастырады. Ол әлі де ҰҒКО-да операцияларды жүргізеді және ғылыми қызметті дамыту бойынша  процесті басқарады.
Әлемге әйгілі кардиохирург Юрий Пя Қазақстанның денсаулық сақтау саласын дамытуға елеулі үлес қосты. Оның басшылығымен бірегей кардиохирургиялық операциялар жүргізілетін "Ұлттық ғылыми кардиохирургия орталығы" АҚ құрылды. ҰҒКО ашылған сәттен бастап халықаралық ауқымдағы клиникаға айналды және әлемдегі үздік 22 кардиохирургиялық клиникалардың бірі болып табылады. 2011 жылдан бастап ТМД елдерінде алғаш рет ҰҒКО дәрігерлері қосалқы қанайналым құрылғыларын имплантациялау бойынша операциялар жүргізе бастады.
2012 жылы Ю.В. Пя өңірде алғаш рет донорлық жүректі трансплантациялау бойынша операция жасады, ал 2016 жылы республикада алғаш рет трансплантологиядағы ең күрделі операциялардың бірі болып табылатын өкпе трансплантациясын жасады. 2017 жылы оның басшылығымен алғаш рет халықаралық деңгейде толығымен жасанды жүрек имплантацияланды. ҰҒКО-ның ең жоғары жетістіктерінің бірі 2018 жылғы желтоқсанда жүректің сол жақ қарыншасының толық имплантацияланатын құрылғысын имплантациялау бойынша әлемдегі алғашқы операцияны жүргізу болып табылады. ҰҒКО сонымен қатар жаңа туған нәрестелер мен өмірдің бірінші жылындағы балаларға жоғары технологиялық көп сатылы кардиохирургиялық операциялардың жетекшісі болып табылады.
2-ші Н.Пирогов атындағы Мәскеу мемлекеттік медицина институтының түлегі Юрий Владимирович Ресей, Қырғызстан, Түркия сияқты елдерде жұмыс істеді. 2003 жылы елге оралып, Қазақстанда кардиохирургиялық қызметтің дамуына негіз қалады. 2003-2010 жылдар аралығында Ұлттық ғылыми медициналық орталықта жұмыс істеді, 2010 жылдан бастап ҰБО-ны басқарады.
Юрий Владимирович Пя "Қазақстанның Еңбек Ері" мемлекеттік наградасының иегері, "Құрмет" орденінің және "Парасат"орденінің иегері. Қазақстан патриоттарының V Жалпыұлттық форумында "Жыл патриоты" атағының иегері, "Жыл дәрігері – 2012" номинациясында "Алтын Адам"халықаралық сыйлығының лауреаты.
Біз Юрий Владимировичке жаңа қызметте табыстар мен оң нәтижелер тілейміз!