«ҰҒКО» АҚ жоспарлы емдеуге жатқызуды қайта бастағанын хабарлайды

06.08.2020
2020 жылғы 03 тамыздан бастап емдеуге жатқызу бюросы порталы арқылы кардиохирургия, кардиология, интервенциялық және аритмологиялық кардиология (ересектер, балалар) профильдеріндегі науқастарды емдеуге жатқызу басталатынын хабарлайды.

Пациенттерді төмендегі жадынамамен танысуын сұраймыз.

1. ҰҒКО емдеуге жатқызу үшін қажетті құжаттар мен зерттеулер тізбесінде көрсетілген зертханалық және аспаптық зерттеулердің нәтижелерінен басқа, өзімен бірге емдеуге жатқызу күніне дейін 2-3 күн бұрын COVID-19 (теріс нәтижемен) ПТР талдауының нәтижелері болуы тиіс.
2. ҰҒКО-ға емдеуге жатқызуға жіберілетін барлық пациенттерде қоса берілген «COVID-19-ға күдікті жағдайды анықтау»схемасына сәйкес таза эпидемиологиялық анамнез болуы тиіс.
3. Зерттеулердің мерзімі өткен нәтижелері болған жағдайда: АИТВ-ға талдау (10 күнге жарамды), «В» гепатиті, «С» гепатиті, микрореакциялар және ФГДС (30 күнге жарамды), пациент осы зерттеулерді прейскурантқа сәйкес ақылы негізде ҰҒКО базасында тапсыруы қажет.
4. Емдеуге жатқызу аш қарынға жасалады немесе соңғы тамақтану емдеуге жатқызу уақытынан кемінде 6 сағат бұрын болуы керек.
5. Емдеуге жатқызу кезінде пациентке ҰҒКО базасында келесі зертханалық зерттеулерді тапсыру қажет:
 Covid-19-ға ПТР
 Қанның жалпы талдауы
 Ферритин
 Басқа талдаулар (қажет болған жағдайда)
5.1. Күтуші адам (қажет болған жағдайда) емдеуге жатқызылған жағдайда көрсетілген талдаулардың құнын өз бетінше төлейді.
5.2. Covid-19-ға оң нәтиже алған жағдайда, Орталық пациентті үйде одан әрі емдеу немесе инфекциялық стационарға жүгіну туралы ұсыныстармен емдеуге жатқызудан бас тартуға құқылы.
5.3. Аталған талдаулардың нәтижелері дайын болғанға дейін (орта есеппен 24 сағатқа дейін) пациент оқшаулау палатасында болатынын атап өткен жөн. Оқшаулау палатасында болған барлық уақыт ішінде пациенттерге медициналық қызметкерлерді қоспағанда, дәлізге шығуға, бөгде адамдармен байланысуға тыйым салынады. Тамақтану күтілгенге дейін өзіңізбен бірге жеңіл тағамдар (тез бұзылмайтын өнімдерден) және жеткілікті мөлшерде су алу ұсынылады.
6. Емдеуге жатқызудан бұрын COVID-19 жұқтыру қаупін азайту үшін емдеуге жатар алдында барлық сақтық шараларын қатаң сақтау ұсынылады:
 Үнемі маска кию
 Басқалармен байланысты шектеу

 Қолды (антисептикалық немесе сабынмен), сондай-ақ ауыз қуысы мен мұрынды (хлоргексидин ерітіндісімен немесе басқа антисептикалық заттармен) үнемі жуу
 Пойызбен сапар кезінде басқа жолаушылармен байланысты шектеу ұсынылады
 Ұшақпен сапар кезінде масканы алып тастамау, ұшу кезінде тамақтанудан бас тарту ұсынылады.