"ҰҒКО" АҚ резидентурасына түсем деушілерге ақпарат

09.07.2020
Құрметті резидентураға түсуші тұлғалар!

Қазақстан Республикасы Білім және ғылым министрінің 2020 жылғы 08 маусымдағы № 237 бұйрығымен Қазақстан Республикасы Білім және ғылым министрінің 2018 жылғы 31 қазандағы № 600 бұйрығымен бекітілген жоғары оқу орнынан кейінгі білім беру бағдарламаларын жүзеге асыратын білім беру ұйымдарына қабылдаудың үлгі ережелеріне (бұдан әрі – үлгі ережелері) өзгертулер енгізілді.
Үлгі ережелеріне сәйкес, «Ұлттық ғылыми кардиохирургия орталығы» АҚ резидентураның келесі бағдарламалары бойынша оқуға түсуге тілек білдірген тұлғалардың құжаттарын онлайн қабылдауды жүзеге асырады:
- Кардиохирургия, соның ішінде балалар кардиохирургиясы – 4 жыл;
- Кардиология, соның ішінде балалар кардиологиясы – 3 жыл;
- Сәулелік диагностика – 2 жыл;
- Анестезиология және реаниматология, соның ішінде балалар анестезиологиясы мен реаниматологиясы – 3 жыл.
Құжаттарды қабылдау 2020 жылдың 25 шілдесіне дейін іске асырылады.
Құжаттардың тізім толық ұсынылмаған жағдайда, өтініш берушінің өтініші қаралмайды.
Байқау жайлы сұрақтар бойынша білім бөліміне келесі байланыс телефондары арқылы хабарласуыңызды сұраймыз: 8 (7172) 703 073, 703 114, 703 132
Тізімге сәйкес құжаттардың сканерленген көшірмелері nnkc.rez@mail.ru, rozaerzhanova@mail.ru электрондық поштасына жіберу қажет.

Резидентураға түсу үшін қажетті құжаттар тізімі:
1. Ұйым басшысының атына өтініш (Нысан);
2. Жоғары білімі туралы құжат қосымшасымен, нотариалды куәландырылған көшірмесі. Жоғары білім туралы құжаттың түпнұсқасы қабылдау комиссиясына оқуға қабылданғаннан кейін ұсынылады;
3. Интернатураны аяқтағаны туралы куәліктің көшірмесі қосымшасымен;
4. Жеке куәлік көшірмесі;
5. «Денсаулық сақтау ұйымдарының алғашқы медициналық құжаттама нысандарын бекіту туралы» 2010 жылғы 23 қарашадағы № 907 бұйрығымен ҚР Денсаулық сақтау министрінің м.а. бұйрығымен бекітілген 086-У нысанындағы медициналық анықтама (флюорографиялық картамен бірге);
6. 3x4 көлеміндегі 6 фотосурет (қабылдау комиссиясына оқуға қабылданғаннан кейін ұсынылады);
7. Шет тілінен тестілеу тапсырғаны туралы сертификат IELTS, TOEFL ITP, DSH және т.б. (ағылшын, неміс, француз), бар болған жағдайда (қабылдау комиссиясына оқуға қабылданғаннан кейін ұсынылады)
8. Еңбек қызметін растайтын құжат (еңбек өтілі бар адамдар үшін) (қабылдау комиссиясына оқуға қабылданғаннан кейін ұсынылады);
9. Ғылыми және ғылыми-әдістемелік жұмыстардың тізімі (бар болған жағдайда).